Овој курс е посветен на основите и примената на биохемијата, науката што ги проучува хемиските процеси во живите организми.
Во Вовед во биохемија се обработуваат принципите на молекуларната организација на клетката, биомолекулите и нивната улога во метаболизмот.
Јаглехидратите се изучуваат преку нивната класификација (моносахариди, дисахариди, полисахариди), структура, функции и метаболички патишта како гликолиза и гликогенеза.
Липидите и мастите се анализираат во однос на нивната структура, биолошка улога, складирање и разградување (β-оксидација).
Протеините се разгледуваат преку нивната аминокиселинска структура, нивоа на организација, функции и процеси на биосинтеза.
Ензимите опфаќаат нивна класификација, механизми на дејство, фактори што ја регулираат активноста и ензимската кинетика.
Витамините се обработуваат според нивната растворливост (во вода и масти), биолошка улога и последиците од нивниот недостаток или вишок.