Овој курс обезбедува сеопфатно проучување на структурната организација и функционалните механизми на човечкото тело, обработувајќи ги сите органски системи преку интеграција на морфолошки, хистолошки и физиолошки аспекти.
Во Мускулно-скелетен систем се изучува макро- и микроскопската градба на коските, зглобовите и мускулите, механизмите на мускулната контракција и моторната координација.
Нервниот систем опфаќа анатомија на централниот и периферниот нервен систем, пренос на нервен импулс, сензорни и моторни патишта, како и интегративните функции на мозокот и 'рбетниот мозок.
Во Сензорните системи се разгледуваат видот, слухот, рамнотежата, вкусот, мирисот и рецепторите за допир и болка, со нивната физиолошка улога и патофизиологија.
Кардиоваскуларниот систем вклучува проучување на срцето, крвните садови, микроциркулацијата, составот и функциите на крвта, како и регулацијата на крвниот притисок и срцевиот ритам.
Респираторниот систем опфаќа анатомија на горниот и долниот респираторен тракт, механизмите на вдишување и издишување, размената на гасови и регулацијата на респирацијата.
Во Дигестивниот систем се изучуваат органите за варење, секрецијата и апсорпцијата на хранливите материи, како и улогата на црниот дроб, жолчниот меур и панкреасот.
Уринарниот систем ги опфаќа бубрезите, уретерите, мочниот меур и уретрата, со акцент на нефронот, формирањето на урината и регулацијата на водно-електролитната рамнотежа.
Ендокриниот систем ги разгледува жлездите со внатрешно лачење, хормоналната регулација и интеракцијата меѓу хормоните и метаболизмот.
Репродуктивниот систем вклучува анатомија и физиологија на машките и женските полови органи, процесите на гаметогенеза, оплодување и полово-преносливи болести.
Курсот е структуриран за да обезбеди теоретско знаење со цел учениците да стекнат целосна и интегрална претстава за човечкиот организам и неговите витални функции.