Интервју — Стефанија Јовческа | BioChemCode - Наука со твој код за успех

1

#Слоганот на BioChemCode е „Наука со твој код за успех“. Што претставува твојот личен „код за успех“ и на кој начин биологијата или хемија ти помагаат да го отклучиш?

Нема единствен код за успех — мојот е искрен труд.

Позади секоја моја активност стојат:

Поголема визија и подлабока цел.
Ништо не е само за лична корист — туку за нешто поголемо од мене.

Биологијата и хемијата се науките на природата — на она што сме ние и сѐ околу нас; нивната примена е огромна и сакам да придонесувам во тие области.

2

#Ако треба на еден пријател да му објасниш зошто науката е „кул“, кои три зборови би ги избрал/а за да ја опишеш?

Моќна, природна, преинтересна.

3

#Животот започнува од клетка – тоа го знаеме сите. Но, кој дел од клетката најмногу те фасцинира и зошто токму тој?

— Јадрото на клетката.

Во таа мала структура е сместен кодот за целиот живот — гени и механизми за нивна регулација, комплексни и неверојатно интересни.

4

#Хемијата е уметност на трансформации. Кој експеримент или реакција што си ја видел/а или изведувал/а остави најголем впечаток врз тебе?

Кинетичка реакција на ензими.

Впечатлива поради деталноста во позадина — различни формули за регулација на процесот и прецизни мерења.

5

#Замисли дека имаш можност да направиш големо научно откритие. Во која област би било тоа откритие и зошто?

Да имам безгранични ресурси и време — би го посветила животот на истражување на човечкиот мозок и неговата поврзаност со енергетските полиња од физичкиот свет околу нас.

Верувам дека уште не сме ни допреле до целосните способности на мозокот и тајните зад мисловниот процес.

6

#Кој момент, час или искуство по биологија или хемија ти остана најдлабоко врежан во меморијата?

Посветена сум на биологија — темите ми беа подеднакво фасцинантни, ги учев со љубов.

Би ги издвојла растенијата, посебно процесот на фотосинтеза — уживав во деталите на предавања; перфектен спој меѓу биологија и хемија.

7

#Како би го опишал/а пристапот на професорката во предавањето – што ја прави поинаква и посебна во твоите очи?

Професорката ми вроди љубов и почит кон природните науки и голема желба длабоко да ги совладам и максимално да вложам.

Без неа не би била тука каде што сум — со искуства, знаење и визија за кариера. Благодарна сум.

Начинот на предавање: љубов, знаење, големо искуство и желба знаењето да се пренесе.

8

#На кој начин професорката те инспирирала да ја засакаш биологијата/хемијата повеќе отколку порано?

Од предавањата го разбирав целиот материјал — дава јасни објаснувања.

Нејзината вложеност и спремност се пренесува на нас, учениците. Љубовта кон предметите и трпението да ги пренесе ја издвојуваат.

Ниту еден час не беше рутински — секогаш имаше ново, со експериментирање, практично знаење и различни примери.

9

#Дали има некоја реченица, совет или метод на работа од професорката што засекогаш ќе го паметиш?

„Кога учиш со љубов и посветеност — добитна комбинација.“

10

#Ако би можел/а да ја опишеш својата приказна со биологија и хемија како филм или песна – кој наслов би го имала и зошто?

Наслов: “The learning of everything”.

Учев од најмалите молекули и структури како функционира сѐ живо — постои ли нешто пофасцинантно?