Интервју — Уна Цветковска
American College of Thessaloniki
Во продолжение следи целосниот разговор структуриран во прашања и одговори. Секое прашање има сопствен линк за лесна навигација.
1
#Слоганот на BioChemCode е „Наука со твој код за успех“. Што претставува твојот личен „код за успех“ и на кој начин биологијата или хемијата ти помагаат да го отклучиш?
Мојот личен код за успех е љубопитност и дисциплина.
Верувам дека вистинскиот напредок доаѓа кога постојано прашуваш, истражуваш и не се задоволуваш со површни одговори, туку навлегуваш подлабоко и бараш вистинско разбирање.
Во биологијата и хемијата токму овие особини се клучни, бидејќи секоја појава може детално и на повеќе начини да се објасни и затоа бара да се навлезе подлабоко и љубопитноста да е постојано присутна.
Овие две науки ме учат на аналитичко размислување, на поврзување на познатото со новото, и дека зад секој феномен постои логика и објаснување.
2
#Ако треба на еден пријател да му објасниш зошто науката е „кул“, кои три зборови би ги избрал/а за да ја опишеш?
Мистериозна, моќна, возбудлива.
3
#Животот започнува од клетка – тоа го знаеме сите. Но, кој дел од клетката најмногу те фасцинира и зошто токму тој?
Најмногу ме фасцинираат лизозомите — „чистачите“ на клетката.
Во нив се наоѓаат ензими што разградуваат непотребни материи и оштетени органели, со што ја одржуваат клетката функционална.
Мене ми е тоа уникатно бидејќи покажува колку клетката е паметна и комплексна.
4
#Хемијата е уметност на трансформации. Кој експеримент или реакција што си ја видел/а или изведувал/а остави најголем впечаток врз тебе?
Експериментот “Elephant Toothpaste”.
Со едноставни состојки — водороден пероксид, сапун и катализатор — се создава огромна пена што „еруптира“ како вулкан.
Ова ја покажува магијата на хемијата: од едноставно до спектакуларно.
5
#Замисли дека имаш можност да направиш големо научно откритие. Во која област би било тоа откритие и зошто?
Во биотехнологијата: безбеден метод за успорување или делумно запирање на стареењето на клетките.
Такво откритие би ја забавило староста, би го подобрило здравјето и квалитетот на живот и би спречило болести поврзани со стареење.
Ме фасцинира како мала промена на клеточно ниво може да има огромно влијание врз целиот организам.
6
#Кој момент, час или искуство по биологија или хемија ти остана најдлабоко врежан во меморијата?
Часовите по биологија со дисекции.
Со тие искуства сфатив како теоријата станува пракса и колку полесно се разбира градба и функција кога ја гледаме сложеноста во реалност.
7
#Како би го опишал/а пристапот на професорката во предавањето – што ја прави поинаква и посебна во твоите очи?
Професорката покажува максимална посветеност кон учениците.
Нејзиниот јасен стил и трпеливост ја прават науката интересна и разбирлива за сите.
Таа посветеност и огромно знаење даваат мотивација да работиме напорно и да се внесеме во науката.
8
#На кој начин професорката те инспирирала да ја засакаш биологијата/хемијата повеќе отколку порано?
Секогаш покажуваше колку науката е забавна и значајна.
Не само факти, туку и логично објаснување на концептите и нивна примена во секојдневието.
Нејзиниот ентузијазам ме мотивираше постојано да истражувам повеќе за темите што ги учевме.
9
#Дали има некоја реченица, совет или метод на работа од професорката што засекогаш ќе го паметиш?
Дека трудот е секогаш најважен за да се постигне посакуваната цел.
10
#Ако би можел/а да ја опишеш својата приказна со биологија и хемија како филм или песна – кој наслов би го имала и зошто?
Песната “The Scientist” од Coldplay.
Метафорично ја отсликува љубопитноста и желбата да се разбере светот, постојаното истражување и прашањето „зошто“ — со многу предизвици и грешки, но со љубов и труд на крајот.